Bystandsorg (Bonheur)

Oorsig

Bonheur , die luukse bystandwoonstelle, is ‘n ware juweel in die la Clémence-kroon! “BONHEUR”…die Franse woord vir geluksaligheid, beskryf die visie t.o.v. ons inwoners. Hier word daarna gestreef om op daaglikse basis uit te reik, te poog om in die daaglikse behoeftes van elke inwoner te voorsien. Die mikpunt is totale gemoedsrus.

BONHEUR beskik bystandwoonstelle wat studio's en eenslaapkamerwoonstelle insluit. Elke woonstel beleef die prag van die binnelandskapering, terwyl daar op elke hoek vir snoesige buite-binnekuierareas voorsiening gemaak is.

Bonheur is kundig ontwerp ten einde totale gemoedsrus en volkome gemak aan elke inwoner te verseker:

Ondervloerse verhitting tydens die Kaapse winterkoue
Natuurlike son vloei deur die dakligopeninge
Voldoende ingeboude kaste, asook ‘n bedkopstuk
Noodroepstelsels
Platskerm-televisie
Veiligheidsvashourelings
Mini-kombuisie, insluitende ‘n mikrogolf en mini-yskassie
Rolstoelvriendelike stort met sitbankie en verstelbare stortkop
Verhitte handdoekrelings

Selfs van groter belang – Bonheur bied die volgende dienslewering:

24-uur nooddiens
Kliniekdienste
Sekuriteit
Wasgoed- en skoonmaakdienste
Drie kwaliteitetes per dag (insluitende tee en koffie)

Bonheur onderneem om daagliks daarna te streef om met liefde en sorg die unieke behoeftes van elke inwoner aan te spreek.

BONHEUR - BYSTANDWOONSTELLE TE KOOP!

VERNA KEMPEN - 084 900 1778 | verna@laclemence.co.za

kliek hier om die UITLEG te besigtig

Algemene Vrae

V: Spesifiseer gratis verpleeg- en ander dienste

A: Maandelikse kliniekdienste wat die volgende insluit:

Monitor bloeddruk met voorligting
Monitor bloedglukose met voorligting
Monitor gewig en aanbied van advies oor dieët
Bestuur en behandeling van wonde
Verwydering van steke/wond versorging en/of verbande op ‘n nie-gereelde basis
Mediese verwysings
Toediening van inspuitings op ‘n nie-gereelde basis
Administrasie van medikasie
Ontvangs is beman van 08:00 tot 16:30 Maandag tot Vrydag
Verpleegpersoneel moet deur die dag rondbeweeg tussen die woonstelle ten einde na die algemene welstand van die inwoners om te sien

V: Is 'n opgeleide mediese personeellid 24-uur beskikbaar? Op watter wyse word daar kontak gemaak? Is daar ten alle tye 'n hulpversorger om met noodsaaklike kleiner takies te help?

A: Ja, natuurlik! Deur die aktivering van 'n noodroep langs die bed of in die stort is 24-uur bystand voortdurend beskikbaar.

V: Is 'n TELKOM - aansluiting moontlik en is dit werklik nodig?

A: Die nuwe veselnetwerk wat onlangs deur die hele oord geïnstalleer is, maak verskeie nuwe tegnologie-opsies moontlik. Die interne kommunikasiestelsel (PABX) maak steeds voorsiening vir gratis interne oproepe na ander inwoners, ingangsbeheer,versorgingseenheid, ens. Eksterne oproepe (plaaslik, nasionaal, internasionaal en faksfasiliteite) is ook beskikbaar.

V: Is daar toegang t.o.v. biblioteekdienste?

A: Die Stellenbosch Biblioteekdienste bied elke tweede Donderdagoggend hul kundig en uitgebreide dienste aan ons inwoners.

V: Is alle la Clémence-fasiliteite en -sosiale aktiwiteite tot beskikking van die Bonheur-inwoners?

A: Bonheur-inwoners word hartlik verwelkom en vorm verseker deel van die breër la Clémence-gemeenskap! Natuurlik is ons inwoners ook aan die algemene riglyne onderworpe. Die Bonheur-inwoner sal (op stuk van sake) ontdek dat 'n sosiale wêreld op hul wag aangesien dubbele uitnodigings aan hul gebied word: vanuit die la Clémence- sowel as die Bonheur-geledere!